政Whats噏:黃傑龍遭盜用身份 騙徒改名「黃接龍」

政Whats噏:黃傑龍遭盜用身份 騙徒改名「黃接龍」

盜用他人身份建立假帳戶,喺網絡世界可謂防不勝防。環境運動委員會主席黃傑龍今日(17日)喺社交專頁貼文,話有賴多位熱心網友嘅提醒,先至知道自己遭人冒充身份建立假頁面,然而騙徒行事比較粗疏,將佢個名寫成「黃接龍」,真係唔知好嬲定好笑啦。

黃傑龍話今朝早收到多位網友嘅通知,指佢哋同時都收到「黃接龍」嘅交友邀請,跟住黃傑龍上網睇睇,發現呢個冒充佢嘅假頁面只係尋晚至建立。至於名字「傑」變咗「接」,係由於兩字嘅普通話讀音頗為接近,佢相信騙徒係使用語音輸入。雖然唔知對方點解要冒充佢,但佢好幽默咁引用古希臘某哲學家嘅說話「有價值讓人冒充的代表成名了。」

儘管「黃接龍」呢個頁面好快消失,反映眾多網友嘅舉報係有效,不過黃傑龍一再重申,網上騙案愈趨猖獗,大家務必謹慎以免成為受害人。


Leave a Reply

Your email address will not be published.